|
Ака уйăхĕнче яланхи пекех чăваш чĕлхипе литератури тата культури уйăхлăхĕ иртет. Кăçал та çавăн пек. Э.В.Портнова, А.М.Степанов тата Е.Е.Ерагин, чăваш чĕлхипе литературине вĕрентекенсем, нумай мероприяти ирттерме планларĕç. Ака уйăхĕн пуçламăш кунĕсенче Краснова Мария "Букварьтен илемлĕ литература таран" çамрăк çыравçăсен конкурсне хутшăнĕ. Ака уйăхĕн 17-мĕшĕнче шкул ачисем К.В.Иванов ячĕллĕ Чăваш патшалăх академи драма театрĕн артисткипе, Н.М.Кирилловăпа, тĕл пулĕç. Инсценировкăсен конкурсĕ ака уйăхĕн 28-мĕшĕнче иртĕ. Уйăхлăх пуçламăшĕнчех вулавăшра "Манăн пĕрремĕш кĕнеке" куравĕ ĕçлет. Нумай-нумай ĕç туса ирттермелле: литература музейне çитмелле, "Хыçалти парта" хаçатăн черетлĕ номерне кăлармалла, стена хаçачĕсем калăпламалла, сăвă-юрă конкурсне ирттермелле. |
